NESESIDAT PA KAS DI BONEIRU NA HULANDA

Bonerianonan biba na Hulanda interesá pa bin kas bek

Celia Fernandes Pedra, presidente di Fundashon Ban Boneiru Bèk, ta traha duru pa logra e aña aki un Kas di Boneiru na Hulanda.

Fernandes Pedra i su fundashon a partisipá na un bolsa di imigrashon na Houten, Hulanda.

Segun Fernandes Pedra a deklará na Awor Aki di Radio Nederland Wereldomroep, e órgano di representashon por bira un kas pa tur e islanan BES tambe. Ofisialmente e islanan BES ta kai bou di responsabilidat di ministerio di relashon interno di Hulanda. Esei ta nifiká ku hende ku ta interesá pa bai biba i traha bèk na Boneiru lo mester akudí ei ku nan pregunta.

E drèmpel ta muchu haltu, asina Fernandes Pedra a komentá. E hendenan ei no ta espesífikamente enkargá ku Boneiru. Fuera di esei e bonerianonan ku ke informashon tokante posibilidat di trabou na Boneiru ke un hende di nan mes, ku e isla di Boneiru a manda, ku por papia libremente kuné den nan mes idioma.

Fundashon Ban Boneiru bèk ta bai aserka gobièrnu di Boneiru mes tambe pa wak si nan por yuda pa realisá representashon di e isla na Hulanda. Na opinion di e fundashon, e idea mester sali di gobièrnu di Boneiru mes. Fuera di esei nan ke akudí serka gobièrnu hulandes pa wak di ki forma nan por yuda.

E fundashon a ripara du­rante e bolsa ku serka boneriano na Hulanda interes ta kresiendo pa nan bai nan isla natal bèk. Ekonomia ta desaroyando bon. Hopi hende tin mas konfiansa awor ku nan por bai bèk.

interview Radio Nederland Wereldomroep

Extra: 16 febrüari 2011