Mi nòmber ta Rosemy Martis (20 aña)

Aktualmente mi ta hasiendo SPW 4 na SBO/SGB.

Aña pasá  mi a terminá mi estudio SPW 3 Kinderopvang/Basisonderwijs. Prome ku esei mi a kaba VSBO-PKL Zorg en Welzijn. Mi a skohe p’ami hasi e estudio di SPW aki pa motibu ku den futuro lo mi ke bira un trahadó sosial. Loke ku a influenshá mi mas tantu pa hasi e estudio aki ta ku mi gusta mucha masha hopi mes i mi ke yuda nan di un otro forma ku traha ku nan diariamente na un krèsh òf un skol. Mi kier traha mas ku muchanan den internat. Awor aki mi ta bezig ku woonbegeleiding. E ta algu ku mi kier a hasi for di un prinsipio i pa despues mi sigui bai mas den e direkshon di maatschappelijke werker. Esaki ta algu hopi positivo p’ami paso mi por a hasié aki na Bonaire mes i esei ta duna mi mas gana p’ami hasié. Den tur e estudionan ku mi tin tras di lomba aki mi tin hopi eksperenshanan masha great mes manera kada bes ku mi traha ku muchanan, mi ta siña algu for di nan. Anto esei ta pone mi para ketu un ratu ku no ta pasó un mucha ta chikitu ta abo so tin ku siñ’é tur kos pero ku na sierto momentu e mucha tambe por siña bo algu ku kisas bo no tabata sa. E loke ku mi ta haña mas dushi ainda ta ku unda ku mi bai mi ta topa ku un mucha e ta "bo sa, esei ta mi yùfrou". Esaki a pasa ku mi riba tur e gruponan di enfoke ku mi a yega di traha kuné. Awor aki ku mi ta hasiendo un opleiding nobo mi ta spera di haña otro eksperenshanan nobo. Por último mi kier a bisa tur mucha pa nan hasi tur loke ku nan por hasi aki na Bonaire mes, hasié. Anto semper ku mente positivo bo ta logra tur kos. Mi ta deseá tur mucha di Bonaire hopi éksito den futuro ku nan estudio.